Die Wege trennen sich!

auso, de weerimer bide 15 stune busfahrt vo melbourne richtig sydney aglangt! di ziit hiimer epa meh odr weniger schlaafend hinder ues braacht, da de bus epa haub leer isch gsi u jeda va ues 2 plaetz het ghaebe isch das a ganz a gmueetlechi aglaegehiit gsi! (i moechtimer lieber nid vorstele wi das ganza weri gsi mit nume iim platz...) vilich darfi das hinach gad erfahre, gits doch epa 12stune mitum bus richtig suede ;) (airli beach und whitsunday insle)! uf jede fau hiimer de onu a zwueschestopp in canberra (fuer di wo im geographie-unterricht a feischterplatz hi ghaebe: man hoere und staune, dasch dhoubtstadt vo australie!!!) u so fueuts sich o an , wemu nach 45min froh isch i bus ichi chene zhocke u witerzfahre wueumu so glengwilet isch! man merke: stadtbesichtigung canberra, 30-45min!
u de simmer de o froh gsi wommer im gaanz liecht hektischere sydney si acho! umi mau hiimer ufum 25 min marsch zum backpackers ds gwicht vo jedum underhoesli wo nid unbedingt hetti mit mueesse bitter ds gspuere becho! (boesi zunge munkle umi mau zueg vowaege schoennti o am skate glaege ha, aber jeda nurmau mensch wis ja wou wi schwer underwaesch cha si...) eh ja, ds backpacker hetti nis igentlich dhoeufti ads taxi zaut (wo epa 10 franke weri worde) aber sonas chliises maerschli het ues ja nu nie abgschreckt ;)! schliesslich ischmu ja fruesch treniert durch uesers wunderbaara schwizermilitaer!!! so hiimer emu de di erschte paar atraktione vo sydney gseh , u da koert sicher scho mau ds monotrail (oder monorail?!) , as zuegli wo uf epa 5meter hoeii sini rundine durch dstadt ziet , verbi a bureau-ruem u wohnige usw. - super :D!
witeri attraktione si naei im verluuf vode naechschte taage under dlupa gnu worde, wi z.B. ds operehuus (soo idruecklech , dass sogar a opera fuer 30stutz ga zgugge in erwaegig isch zoge cho, schlussendlich jedoch nid usgfuehrt isch worde uf grund vo akutem zitmangu) nai isch da natuerlich nu de harbour (sehr schoen) manly und bondi-beach (epa de bekanntischt strand vo australie wo aber ueseri miinig nach voellig ueberbewaertet wuerd , wueuner its wuerklich nid spezieu isch! jedoch wuerd dete o a fernsehserie namens bondi - rescue dreit wo waehrend de erschte 3 maanet brisbane regumaessig konsumiert isch worde u so hani de scho bits weichi chnue becho , woni doch tatsaechlich iina vode houptdarsteller , a richtiga rettigsschwuemmer !!! ha gseh ;))! u zum abschluss hiimer di ganzi stadt nu vam ussichtsturm mitum hoechschte poschtchaschte ide suedlechi hemmisphaere agugged !

kredit zuende , bau gits witer!

grues

huiuiuiuiui und apowewa!

huiuiuiuiui , apoweeeewa (usdruck wo i 3ne schwizer choepf heiche bluebe isch , urspruenglich aber usum schwedische stammt so vueu beduetet wi rueere (...) natuerlich chruezfausch usgsproche isch (schwedisch: oegpoweiwa , odr so irgendwie) u sithaer fuer so jeglichi situation wo gad kis anders wort passt verwaendet wuerd) isch das lang haer woni vo mier ha la koere la :S! aschmer umi mau niena raecht u je lenger dasi ha gwartet desdo groesser isch mis schlaechta gwuesse worde, u so hani mi scho gaar nueme a computer gwagt aber defuer , wider vilich bemerkt hit , richtig fabriktmaessig charte gschruebe!
situm letschte post (glubs so irgendwie nach de great ocean road ...?!) isches as paar km witer gange i daem schoene australie! raecht motiviert simmer vo adelaide richtig melbourne witergfahre u ufem waeg det haere himers de o raecht gmuetlich gnu! so simmer uf ballarat ids goudgraeber-museum, wo di scharmanti kassiererin zwar di 2 abglueffene studaentecharte fuerna priisreduktion akzeptiert het , aber nid mini genauso abgluffeni jedoch nid vorhandeni studaentecharta... i bue ja raecht a geduudiga mensch , u sisch o nid um vueu gaeud gange , aber wemu bedeicht dasi suesch i ganz australie bishaer ohni problem aus student bue deduer cho .... eh ja, hami naei emu de beruigt , buemena latte macciato (wo so schwarz isch gsi wieni nu nie o nume a gwoehnlicha kafi ha truuche ...)!
merke gad , dasi umi mau imi ide details versuume u as geebi igentlich vueu wichtigers zverzele ... auso, ufum waeg nach melbourne himer de o di erschti grossi u frii kaengeru-haerde gseh! raecht idruecklich gsi u ma hetsich so richtig wie zaustralie gfueut!
melbourne isch so zuemlich gaar nid spezieu u das ziigtsich i epa nued so guet wi das ds groeschta erlaebnis as fondue innera schwizer-club-beiz isch gsi ;)! ehrlich gsit , as ganz guets fondue gsi! suesch hiimer ds melbourne nu as gfaengnis gseh, mitum nationauhoeud NED KELLY! vilich a daeri stoeu as churzes statement zude australischi bevoeukerig: iines nationauhoeud isch iina vode groeschte verbraecher gsi ... (la das mau im ruum la stah...) u de hiimer ono im captain cook sis huesli agugged u ma mues scho saege , was di denzumau fuer erkundigsreise per schiff gmacht hi isch nid gad schlaecht! raecht idruecklich! vilich gad churz , zum ziiche , dasmer o epis glehrt hi : au di erkundigsreise wo de guet herr cook gmacht het, si gmacht worde wueu dennzumau dvenus vode suedlechi hemmisphaere besser sichtbar (odr noecher) gsi isch umu sich so erhofft het ddistanz zude suna gnauere bestueme zchoene ... (o das wetteni hie im rum la stah, aber as tueecht mi doch wuerklich a ganz a gueta grund! u its soeu bitte niemer cho , ma cheni ironie nid laese!)
hansleluia (schoumi a nonsense usdruck wo hange bluebe isch) bue schoumi id details versunke...
vom interessante melbourne himer de o a pousa bruucht u si somit fuer 3 taeg ufena uluru (ayers rock) tour! di isch im gross u ganze igentlich zuemlich idruecklich gsi u wemu nid zlang drueber naideicht dasmu 800stutz fuerna foeuse zaut het womu schlusendlich glich nid wui chan, de ischs abartig sehenswaert! (so hani de o di 8fr. woni im goudgraebermuseum ha verlore chli chene vergaesse!)
ganz vergaesse hani nu zerwaehne , dasmer di erschti nacht in melbourne aus wuerdiga abschiid fuer usi jessy k. (besser bekannt o aus mietwaage!) de o im outo verbracht hi , ufum parkplatz wommersi am naechschte tag de o verabschidet hi! ganz ehrlech isch de abschid schwerer gfalle aus erwartet u traene hisich nume mit mueh chene zrug haute! vilich si das o traene gsi wueu di beide ruckseck mit 30kg unerwartet fesch ade schuutere aizoge hi ... ud angscht a soo mueesse ds reise hetsich nu zuemlich vergroesseret wommer 2 mau duer ganz melbourne hi mueesse luufe (hin : infocenter , zurueck : backpackers) haiaiai hiimer usi jessy k. vermisst!!! aber handcherum simmer o hoelle froh gsi , dasmersi so ohni problem hi chene abgae mi ihrum riise spaut ide windschutzschiba! igentlech isch de spaut ds resuutat vomena konflikt zwuesche fahrer und schiba (wueusi ging aglueffe isch ...) gsi, de herr wo djessy k. het zrug gnu isch jedoch ueberus befridigt gsi mitde erklaerig dass a vogu drin gfloge isch (obwoli chennti schwoere as liechts grinse gseh zha ;))!
u jaa, de weris de vo alice springs umi zrug uf melbourne u scho bau richtig sydney mitera 15h busfahrt(wo jedoch gad mau 60fr. koschtet het)!

auso , wier si ersch dsydney u i bue scho zcairns , aber mi kredit isch umi mau uf 0... vodaemhaer guebemer mueeh bau umi zschriibe (wi ging ...)

machets guet u scho bis bau!
gruess

ischmer gad i sinn cho , dasi ja scho lang mau nu as photo vo miri gaschtfamili ha wele wuilaade ;)! hie weri as bits verspetet is bzw. zwue:

adelaide

zaelaeae zaeme!

nachem letschte internetzuegang in torquay (sehr bekannt fuer zsurfe, mit uhuere vueu surflaede wo dsache tuerer si aus ide schwiz :(, aber im australische winter bau chli zchaut zum surfe, bzw. wier schwizer hi de schwanz izoge ids wasser zga :( obwou vertrouenswuerdegeri quelle behoubte das dwaele ifach zchli si gsi und de zitdruck vom reise zgross isch gsi!) (da soeu nu oeper saege lengi saetz sigi unuebersichtlich :S ...) uf jede fau simmer nach torquay langsam uf dgreat ocean road zue gfahre! di road uebertrifft so einiges woni hie scho gseh ha und isch ifach wunderschoen zum fahre! drum hani de o a riise frued ghaebe das i di strecki ha doerfe fahre! wiene passstraas fuehrt si oepe 1 -2 tage ade feusige kueschte im suede vo australie entlang! u wis so typisch isch fuerne passstraas ischsi sehr kurvig und schmau! u da isches doch sehr vernuenftig dasme ufde ganzi strecki 80 u z.T. 100 darf fahre ... (aus kontrascht dezue: ufum highway mit z.T. druene spuure u fasch ki outo isch i ganz saeutene gluecksfaeu gad mau 110 erlubt :D) eh ja , asch emu as riiise erlaebnis gsi di strecki zfahre! so himer naei nach de erschti tagesfahrt bide 12 aposchtle (foeuse im wasser wo di letschte paar jahr ging chli am zaeme kie si u darum igentlich numenu zsaechst oder zsuebet si :D aber marketingstrategisch si 12 natuerlich besser ;) super aussis!!!) ghaute u de suneundergang agugged! nachera uhuere gmuetlechi nacht im outo (ki ironie!!!) ufum bsuecherparkplatz himer de suneufgang agugged (wunderschoen!) u si di erschte turischte gsi wo d aposchtle u di andere foeuse hi agugged! a daeri stoeu tueechts mi erwaehnenswaert zverzele, dasmer sit zuemlich genau 2 wuche inisch imena bett gschlaafe hi (newcastle , fuer epa 5 stun ;) u de raeschte himer oni matratze im zaeut am bode gschlaafe (mi ruegge dankts mer langsam , aber sisch ifach fueu guenschtiger aus backpackers ;)!) u hie zadelaide hisi ufum camping ki raase sondern nume stiibode aber wier si ja nid ufe chopf kiit ;) u so simmer sit 2 naecht u vorussichtlich nu 2 witeri naecht ifach gemuetlich im outo am schlaafe!
so mini zit isch leider schoumi am abluufe :( ... vilich nu daas : in philip island simer di chlinschte pinguine vo de waeud (30cm) ga gugge wisi am aabe usum wasser a land zude schlaafplaetz wandere! sooooo kiuuuuuuuuuuuut (englischer wortlaut aber voellig ahnungslos ueber di korrekte schreibweise... :S) ;)! ne wuerklich , schsuper gsi!

auso , machets guet !
grues strub

erster Reisebericht

sodala, endlech chumeni umi mau dezue chli epis zschriibe! sgit naemlich so einiges zverzele ;)! auso, zersch mau si da nu 2 gschuechtleni vo brisbane wo nid gross wichtig oder interessant sin, aber si ligemer scho as ganzes zitli ufum haerze bzw. ufde zunga!
erschts gschuechtli: ier wuesset ja epa vo mine foto wi de urwaud vor mim hus zbrisbane het usgseh , u scho nume deduer zfahre isch aube a herusforderig gsi ;)! uf jede fau bueni de inisch am morge umi mau uhuere zspet dran gsi fuer id schu (waer wunderets ...) u de hani haut zstuetzli ai mau so tou pedaalet ... das geengi ja nu, aber wemu naei vorde staega merkt, dass dbraemse nuem goe werimu aube froh hettimu nid so gaas gae ... uf jede fau hani de choene zwuesche staega u urwaud (mit jeenschter uswau a spinnele , tuusigfueessler u anderum chligetier) uswaehle zum drin ai kie :D de sturz isch nid sooo uebel gsi , aber ha naei de ganz raeschtlech schuwaeg spinnelenetz, tuusigfueessler usw. us mine haar ect. chene usi fische ;) u dasi am naechschte tag genau det usi mini erschti schlanga ha gseh schliiche (foto folgt) het mis gfueu nid gad verbesseret ...!
zweits gschuechtli (und witeri informatione ueber australiens tierwaeud): dasch nid luschtig wids erschta aber evt. ono interessant! epa vor 2 wuche odr so isch ds ballina (epa 1-2 stun suedlich vo wo mer aube si gsi ga surfe!) a surfer vomena hai attackiert worde u ade verletzige naei gstorbe... das hetmi zersch gad huere mitgnu, wueuni deicht han i troue mi so de eh nueme ids wasser fuer ga dssurfe... aber mann hoere und staune , epa a wucha speter simmer nu noecher vo daem strand umi a rundi gsi ga surfe ;), dwaele si ifach zverlockend gsi!!!

(da weri ono 2 foto vom lone pine (odr so aenlich ;) -zoo, wos vorallum koalas u kaengerus het , waer wunderets :D... nach 12 wuche australie ohni as inzigs kaengeru zgseh usser ufum taeller, hammer scho langsam sorge gmacht u de bueni de tou froh gsi endlich as paari gseh zsha !)

so, und its endlich zum reise: vor epa ineri wucha (letscht suntig) isches scho los gange! nachdaem i de nue homestaystudent vo minneri gaschtfamili ha zbrisbane umagfueert und mer zaeme i zoo si ga koalas und kaengerus (fotos folgen) agugge, si naei am suntig 2 kollege wo vor epa 5 wuche odr so i norde wui greist si umi ai uf brisbane cho u naei hani bi daene 2ne chene ufspringe u sithaer simmer dran doschtkueschta ai dsreise! mi letscht post hetti igentlich so einiges lenger sele waerde , aber wini ja gschruebe hani isch nachema chliine ;) letschte usgang am samschtig aabe ds ufstah am suntig bits schwiriger worde u so ischs uhuere knapp worde mit packe usw.! so hani de o mueesse zputze vo mim zuemmer im nuee student ueberla (:S) wo das aber ohni problem het gmacht (merci vueu mau a daeri stoeu!).
mis ganza zueg het o nach epa 3 stun unmoeglich platz gfune i mine 2 ruckseck u so hani haut nu 2 plastigseck gfueut u bimmer sithaer am sorge mache , wieni so nume cha ga reise :S irgend a loesig muess de nu haere , aber im momaent bueni ds reise dsfesch am gniesse aus dasimer irgendwelchi sorge chennti mache :D
zersch simmer vo brisbane ad goldcoast, gnauer surfers paradise und det ufe erscht camping ga zaeutle (situm ganze reise simmer im moment ersch inisch inas backpackers gsi ga penne u suesch ging im zaeut. i hammer zwar a wohliga schlafsack zue ta , aber fuernas maetteli hets nu nid glaengt , somit tuetmer langsam aber sicher de ruegge u de ganz raescht vom koerper andersch weh , aber ma het ja suesch nued womu drueber chennti jammere ;)) naei isches de naechscht tag witer ueber burghley heads (wommer si ga surfe) nach byronbay gange , wommer de 3 tag verbracht hi! in byron himer o a duetscha troffe wonis a rundi het usglachet , dasmer im australische winter i suede reise (man stelle fest: australien alles verdreht > je suedlicher desto kaelter ...) aber da ues europaer ueberau verzoeut wird, dass australie dsganz jahr deduer wohlig warm isch , hiimer ues nu nid gross sorge gmacht , obwous in byron scho raecht huefig gschueffet het :(... ganz a groossa dank git a daeri stoeu a ds mami womi zwunge het lengi chliider idspacke ;)!!! i ha ja deicht i chaemi de hie mit churze chliider wunderbaar klar ...
eh ja , byronbay isch emu umi mau uhuere witzig gsi! am 2. aabe hiimers tatsaechlich gschafft nachera ehner ungmuetlechi fahrt im chaschtewaage vode oertlechi polizi di haubi nacht im knascht zverbringe :D! u waer its deicht wier higi wis nid was verbroche muesi leider enttuesche ... wier hi lediglich probiert dshopschueuder zberueehre wo ueberum gehwaeg heiche aber we natuerlich naei a beunruigta passant dpolizi rueeft u di im naei aheiche ma higi gewollt probiert di schueuder ai zhoue ... tja , da chamu nid gad vueu mache ... zum glueck isch das gad vorum usgang passiert (epa 8i) u so simmer naei gaeg di 1ne entla worde u hi nu wunderbaar aus frueschgebohreni knaschties i usgang chene ;)!
nachema churze usflug uf nimbim (wo aus lokaus amsterdam gueutet, aber igentlich gar nid sehenswaerd u meh enttueschend isch) simmer naei witer zduerai!
naei himer nu as paar chlini oertleni ade kueschta bsuecht zum uebernachte u di grosse stedt wi sidney u melbourne himer vorloeifig nu usglah , di machemer de derna wemmer zouto abgae hi!
somit gits its uf d"great ocian road" zue und gnauers waerdeni de bau umi verzoele , aber im moment isch fertig wueu mini stun internet gad am abluufe si (7 dollar :(...) aber fuer oeich ischsmers waert ;)!

auso wiging : machets guet u bis baud!
grues strub

Los gehts!

zaelaeae zaeme!

sisch gad 10 vor 1 pm und am 1pm chaeme 2 compadres mitum charre imi cho abhole u de gits de los mitde australie-reis ;)! chliises problem isch nume , dass sich irgendwie mis gepaeck vermehrt het u so gaar nueme i mi rucksack (bzw. i minner 2 rucksaeck) ichi passt ... u somit bueni umi mau nu niena mit packe u ds zuemmer soetti de onu irgendwie vo geischterhand piggobello putzt waerde... aber ha deicht , dass gschwuen 5 min fuerna blogitraag scho mueesse dine lige ;) schliesslech wuerds naei epa de szitli ga bisi umi mau cha a itrag mache :(

mues ga, schriibe sanders mau witr ;)

gruess

surfcrack strub!

zaelaeae zaeme!

haiaiai as het umi mau as haubs jahrzaehnt brucht fuerna nuea itrag zverfasse ;)... tuet mer emu sory , aber defuer isch ja its endlich as gaeschtebuech druf wo hoffentlich setti funktioniere!

Grund defuer isch epa , dasi i letschter zit agfange han , am wuchenen aube bits epis zmache u nid nume ufe abe u somit ufe usgang "zwarte" u so bueni haut duere tag raecht saeute dehim gsi.
So hanis its lesch wuchenend o endlich mau gschaft ga zsurfe :D u gaege di ganze proteschte vom gaschtvater i soeli doch unterrichtslektione odr nume as bodyboard nae , wueus vueu zschwirig isch usw. , himer schtinkfraech wimer haut mau sin , ifach as board gmietet u si mau ga probiere! (a daeri stoeu wuerdeni sehr gaer schriibe wi guet dasmers hi chene usw. :D...) aber wis haut so isch het de gaschtvater komischerwiis raecht ghaebe , was zumindescht dschwirigkeit agit! sisch wuerklech andersch schwirig, aber wier hi abartig huere frued ghaebe u gaege schluss isches de o gar nid epa schlaecht gange! vo daemhaer muesi mim stuure choepfli gratuliere wueus naemlich tiptop isch gsi mau ifach saeuber ga zprobiere! (u bodyboarde isch eh fuer amatoere ;)) u jaa, so simer naei daene habasche vo lokale surfer ga ziige wie das ganza giit u wie wier schwizer mitum meer ja praktisch ufgwachse si! i miine das chanis iz kina wiismache dasnis ds surfe nid ifach im bluet isch!!!
nenee, fertig uma bloeffet , gluube uf de photo gsehtmu sehr guet mit wi wenig dasmer scho meh aus uhuere zfruede si gsi! aber shet ifach uhuere spass gmacht!
u wueu dgier nach nu meh waele u nach nu schoennere waele ging groesser wird , hani de gaege schluss sogar mini angscht vor haie verdraengt u bue epa fasch alinig dusse uf dwaele am warte gsi , andersch super gsi ;)!
uf de fotos wo naechschtens nu setti igfueegt waerde , gsehtmu ueser erfouge u natuerlech od blesuure wommer devo waegtriit hi :D as hettmer trotz tshirt andersch de buch ufgschuerft , u vilich chueternuch vorstele wi das im sauzwasser tuet ... aber schluemmer si epa dnipple gsi , di hetsmer fasch voustaendig abgschuerft , ki ahnig wieso , aber stuet emu abartig weh :D u so bueni de o am abe mit 2 ischwuerfle gaege dnipple drueckt vorum fernseh ghocket ;)!
jaa , mor gits ab ufena 3 taages surftrip mit de schuu , u da hoffeni de nu besser zwaerde (we das nu moeglich isch ...) nee seich ;), i hoffe igentlich mau innera richtegi waela chene ufzstah , wueu daschmer bis itse nume glunge wesi scho broche isch gsi ... ki ahnig obder verstoet wasi miine , aber daschmer ifach ufum haerze glaege dasi nuch das daf verzele !

sodala, i schriibe de vilich naechschtens mau nu chli meh , aber its muesi gschwuen ids fitness (;D) fuer minner arme uf ds wuchenen ga vorzbereite! wueu sisch absolut nid erstunlich , das au surfer so uhuere chaeschte si , sisch abartig astrengend ds paddle usw.! u da bueni de loesch mau scho uhuere froh gsi ueber minner 8 wuche extrem-chrafttrening woni hinder mier han :D!
nenee , mues bits relativiere , bue gingnu de glich spraenzu wi vorhaer u wi mi gaschtvater das het profezeit , isch das a grundlegenda nachtueu buem surfe :D
nichtsdestotrotz machts a riise frued!!!

so , haebets guet u sid gfaeligscht as bits niidisch weder di waele gseht waerenddaemder dehim im schnee hocked ;) i bues ja schliesslich o weni deiche das ier chuet ga boarde!!!!!!!!!

greetz strub

small-talk oder der erste austausch von freundlichen worten mit dem lokalen freund und helfer - der polizei!

oeffentliches spucken: 150$
oeffentliches urinieren (auch sich die naechste oeffentliche toilette hinter dem uluru (ayers rock) befindet...): noch nicht in Erfahrung gebracht ;) aber mit sicherheit um einiges hoeher als die busse bei oeffentlichem spucken!
bei rot die strasse ueberqueren: 150$ (scheint hier sowas wie die mindestbusse zu sein fuer alle kleinen vergehen!)
rauchen mit weniger abstand als 4meter zum naechsten gebaeudeeingang (oder ausgang!) oder innerhalb jegwelchen gebaeudes: 150$ (was jedoch de hammer isch!!! moechti a daere steu numenu gschnaeu erwaehnt ha!)
oeffentlicher alkoholkonsum: (wahrscheinlich 150$, aber sicher verboten!)
oeffentlicher alkoholkonsum mit brauner tuete um die alkoholflasche: egal , so verboten wie ohne tuete!
fahrrad fahren ohne helm: (wahrscheinlich 150$, aber sicher verboten!)
oeffentliches schnupfen: nicht so klar definiert ... moegliche konsequenzen :
- aus dem jeweiligen klub in welchem geschnupft wurde rausgeworfen zu werden...
- eintrag im lokalen newspaper durch leserbriefe welche sich in nicht gerade freundlichem ton ueber oeffentlichen "drogen"-konsum beschweren...
- oder so einige weitere moeglichkeiten die bis anhin noch nicht in erfahrung gebracht werden konnten...

usw....!

hallo zaeme!
wi de titu scho siit , moechteni huet mau epis ueber de lokau fruend u haeufer - dpolizii - hie in queensland (dae tueu vo australie wo brisbane aebe leider gad knapp nu dine isch :() verzele ;)!

asch ja nid epa soo , dasi ufena konfrontation us weri , odr weri gsi , aber amena ort wos tragischerwiis meh "no skateboarding"-schueuder aus oeffentlichi toilette het , git mier ifach epis niid ;)!
uf jede fau isch das vor as paarne taage epa wi fougt gsi:
nach epa 2ne stun ufum velo , wueuni de naechscht skatepark gsuecht ha, ( u wiemu cha anaeh nid gfune ha :D) hani wunderbaarerwiis de himwaeg nueme gfune ... hie isch drum aus so wunderbaar huegelig sprich 1 hill am andere u sgseht um jedi egga genau glich us wie um di vorderi ! aber da das ja nu zifach weri , si di strasse aberi gwuessi distanz zum zentrum nuemme au schoen i raechte winkle zunenan , ( waegde hills u de landschaft im augemeine) u somit chamu 2 mau ume egge fahre u haut glich nume irgendwie 90 grad mache anstatt de erwartete 180 grad ... eh ja , vertig a usred gsuecht , hami emu de andersch verfahre u bue haub tot gsi vom ewige wui u ai ;)
auso, u woni so abkrampft meter fuer meter fahre , git epa a haubi armlengi naebe mier dsireena loos (u di isch gopfertami lut!!!) uz blauliecht an u de bullecharre macht a voubremser ... i wiis nid wiemu das gfueu cha beschriibe , aber dchnue si weich worde u de maage hetsich umdreit usw. , ja ier kennets epa o! ha wuerklech gmint its weli di mier di ganzi schuggela chlaue wi am flughaafe ;) nenee , ha igentlich haargenau gwuesst dasmu nid ohni hoeum daf uma fahre ... aber dasssi gad so heftig reagiere ... hetteni de schonid deicht! u de hoeum isch so vou hundehaar gsi ... i legene huet nunid an , o wemi das ev. nu 150 $ choschtet ;)
uf jede fau het de mi fruend u haeufer au minner daate wele , woni nach epa 10ne "sory, me donat onderstend, me turist" ;) de doch mau ha mueesse usi ruecke ... u epa so gaebig wi au di verbot hie tumm si , isches , dasmu aus turischt bim erschte mau fasch ging devo chunt :D
u so hetter emu de gmint as sigi scho i ornig u ae gaebimer nu ki buess (wasi naei aus tiptop verstane han :D) aber ha naei notgedrungen de hoeum wo vou hundehaar isch gsi mueesse alege , wueu de ander det het gwartet bisine ha agliit ghaebe :(
de koebi hetmer emu de ono de himwaeg chene beschriibe u somit isch haeufer o nid gad wit haerghout , o wes ehner ironisch gmint isch !

komischerwiis hi di koebis onid gaer wemu nachum usgang vorum hungry jacks (de lokau mc-donalds) lutstarch schwizerlieder singt , aber dasch glubs a anderi gschuecht :D

so , mues mau ga lige! sgebi da zwar schono zinta odr andera gschuechtli zverzele , bzw. noecher zerluetere , aber das mues ids nu chli geduud ha wueu mini mueedigkit het irgendwie ki geduud me ;)

i wuensche nuch! ah, a daeri stoeu: jiiiiiihaaaaaa , ha minner erschte 2 kommentaer becho !!! wi geil isch de daas , weni hetti gwuesst dass das gfueeu so satisfactionally isch :D hetteni auso scho vueu frueener afa schriibe ! ha andersch frued ghaebe das eper mis gstuss ma laese ;)!!! ebe jaa , machets guet! u faus eper sich wuerdi wuensche dasi ufum hoie duetsch wuerdi schriibe , weri de das kis problem ;)!

ueber asiaten und andere launen der evolution

its getting hot once again! u so wuerd auae umi mau nued mit skate ... :( ja wuala , de schriibemer haut umi mau epis! shet gad huere feins zmittag gae , wo de exhomestaystudent vo miri gaschtfamili het gkochet! ae isch das wucheend hie zgascht bevorer naei uf brasilie zrug git! wi gsit , isches super gsi! mit riis u tomate u crevette ;)! ah jaa, ha scho lang mau wele erwaehne , wi sehr dasi teigware u guets aesse vermisse! teigware hani fang inisch!!! ghaebe siti hie bue u zwar ohni butter ohni sauz u ohni weize odr so epis , wueu dgaschtmueter ki weize (odr so) daf aesse ...!!! somit gits nume riis , odr ...moment!... ah : riis! odr mengisch ono : .... hmm ... glube sisch so epis gsi wi: riiiis :D eh, das weri ja nid so schluemm, aber sgit ifach sache womi haere naeme ;)! defuer gits sehr huefig biologisch fliisch diraekt vom farmer , mit zwar meh fett dran aus fleisch u chnoche aber defuer richtigs fliisch ! ds fett bechunt ja naei de hun! augemiin chuesi hie nid gad guet choche! swuerd zuemlich aus im bachofe gmacht bises schwarz isch, ds gmueess wuerd irgendwie erwermt , aber dases deduer isch schint nid so wichtig zsi , u scho gar nid epa butter dran tue ... ah da chunt mer ja nu iines komischi istelig zu gsunhiit i sinn :D dbubbels ( seifeblaatere) muesi buem abwaesche ging a haub stun abspueele , wueu di ja schins chraebserregend si, dasch ja schoe u guet u tiptop! aaber : wi gsit , dass ds fliisch usw. totally scharz "gaaret" isch , isch ja nid im gringschte chraebserregend ;) mann denke darueber nach ! oder auch nicht! ifach ds verhaeutnis isch mengisch nu luschtig !
genau glich mitde umwaeud: ma mues wasser spaare , wueu de wasserpegu gad tou tuef isch dafmu pro tag hoechschtens 4 min dusche ( ... ) :D dasch umi mau schoe u raecht , aber as intressiertsi nume so lang wisi gad chli weni wasser hi , vo energie spaare hisi z.B. nu nie epis koert! so waerde z.B. di riiiiiise ichuufshueser, wi o ali andere gebaeude wi schu usw. nid uf agnaehmi 22 grad odr so klimatisiert , neeei , sondern epa uf arkteschi 15 grad ... so dasmu epa jedes mau buem usi cho mau a rundi fasch id oepfle kiit ... u jeda tag igentlich mueessti as jaeggli mitnae id schu , wueus ifach arschchaut isch :D!
(igentlich isches ja huere schoen wemu ide affehits cha vorum ichufshuus deduer luufe u a iisegi briise luftet ihm entgaege :)! )

hmm de titu passt its irgendwie vou nid zu mim post ... aber gluube fescht dran dass huet nu a andera post wuerd fouge u irgendwenn waerdeni sicher onu a post ueber dasiate verfasse ;) odr si emu erwaehne , wueu ds schriibe hetteni gnueg u gnueg ;)
auso bis naechschtens!
ah nu epis: verzoelet umi bits uma , dass de blog umi aktueller isch aus oscho ;) ha koere munkle , shiigi zite gae wo das nid so de fau sigi gsi ...?!
eh ja , machets guet!

kurzgeschichte nr. 1

zaelae zaemae!
sisch umi mau a bits raegewaeter, obwous glubs nu gad nid raegnet ... u ha gad mittagspousa ide schu , u da hani doch deicht i chennti mau as bits uebere gaschtbrueder , odr augemein ueber di australischi mentalitaet zu irne chin verzele ;)! i hoffe as pleschuriert:
eh ja , woni de chli zerschta mau ha gseh , hetter nu angscht vormer ghaebe u vilich its ginu , aber its hueueleter wenigschtens nuemme wenner mi gseht ;)! naei hi sinner 2 erschaffer , zersch mau de haub morge mueesse ufne irede u imu as honigbrot verspraeche , damiter ruiger isch worde , bzw. hisi nid mueesse , aber wi gsit , australischi mentalitaet mit irne chin :D! aber a daeri stoeu vilich: wenner dich dann eeein maaal anlechelt, kriegst du alles wieder zurueck ;)! uf jede fau faht de morge a , wenn de chli ufwacht! sprich , weni am morge am 5i him chume uds garagetor zlut zue tue , koereni di naechschti stun zum ischlaafe numenu mummyyyyyy mummyyyy ... usw. u de feht de tag haut am haubi 6i an! u irgendwie machtsmu denn aube am meischte frued de ganz morge bzw. mini ganzi nacht a miri tuer verbi zseckle ... u mann stelle sich vor: de bode bestiit epa nume us diele! sprich wemu scho nume luuft zitteret ds ganza huus ! ud waendleni si weder fuer vor wermi zschuetze u scho gaar nid fuer vor laerm zschueze ;)! auso , zrueg zum brueder: finley hiister uebrigens! u mier nennter mitlerwile rifraf, was schins uf englisch nid gad a schoeni beduetig het! aber wises nid genau ...
de chli isch siti hie bue am lehre uiiuii mache ... sprich ohni windle ... das gehngi ja nu , abr ging ging we de fater hei chunt wuerd zersch mau a stun ueber di aktueli statistik vo vollaendeter uiiuiis u vo etwelchen buubuus (nid positiv!!!) diskutiert u naei dopplet so lang gfiiret wenner kinner buubuus gmacht het u vorallum luuuutstarch!!! jajaa , so frueschi oeutere si scho faszinierend ... wuerd mer ja nu is gae , we de zzweita chunt ... aber das erlaebeni aebe leider nueme , hetti ja a riiise frued we de erscht nueme di ufmerksamkiit bechunt wonner wott :D!
u suesch wotter ging spiile, aber i daf sinner spueusache uf gaar ki fau alaenge suesch giit ds krei loos u wenner de doch mau wuerdi teile , git ds gkrei uf de sita vode oeutere los wueuner ja sooooo a gueta bueb isch daser "friiwilig teilt" :D

so mues ga , hoffe ier hiit a impression gwunne vo mim haerzige brueder u bis baud :D

haiaiai

zaelae zaeme!
da gibt es mier ja einen !!! wenn ich di professionelle seite von dominik sehe , wird mir ploetzlich peinlich bewusst , wie sehr ich oeich mit informationen im stich lasse :S! aber zu meiner verteidigung muss auch erwaehnt werden , dass ich mich zuerst anklimatisieren musste ;) dies ist jetzt endlich geschehen und ich erlebe hier wirklich prachtvolle momente ;)! jetzt wuerde ich aber trotzdem wieder zur gewohnten strubschen , maybe auch christophschen (um andere strubs nicht einzuschliessen ;)) , unprofessionalitaet zurueck kommen und ev. folgende posts im gewohnten mundart verfassen!

we das raecht isch!

auso , isch ehrlech gseit tami viu passiert ide letschte 6 wuche , u i weiss nid oebi o nume annehernd aus intressante wirde erwaehne , aber probieres mau:
auso bi ja mau irgendeinisch hie acho , u natuerlech zimlech nervoes gsi ;) (choent eigentlech uf friburgerduetsch waechsle :D) aber zum glueck hani im flugzueg a schwizer kene glehrt , wo di ganzi reis weniger lengwilig gmacht het u o dnervositaet gsenkt het , a daeri stoeu nu merci! ja naei bueni a daem flughafe acho , u de ischmer ufzmau scho sona droogehun am fuedle gheicht , nid epa dasi drooge hetti debi ghaebe , aber si hi bits problem ghaebe mitde schuggela voni nid ha deklariert ghaebe :D (ha deicht das mueesseni scho nid agae ...) schinbar abr aebe scho :D! eh ja , mit mim akzaent , bueni aber de glimpflich devo cho u de simmer nachema kafi oscho usi zerscht mau id suna ga hocke! het andersch guet ta! nach de erschte paar sms hani de mi muet zaeme grafft u bue inas taxi ichi ghocked u ha de fasch di ganzi fahrt mitum koebi chene rede , trotz sim starche akzent ;) naei simmer epa a andersch schoene orte verbi gfahre, u i ha ging ghofft da sigi de mini huetta debi :D aber chasch deiche , widr wuesset bueni ja itse imena heuttli am rand vom urwaud :D nenee , so schluemm ischs nid , ha langsam a riiise frued ab mim ort woni wohne!!! naei hetmi de mau dfamili begrueesst , u ds erschta wo ufgfalle isch , isch mau so dlescheerness gsi , si si gad am zmoergele gsi , epa as riise puff ide huetta usw.:D aber sehr haerzlech! u andersch aus denn het de sohn its o ki angscht me vor mier :D u i kini me vorum hun! wo uebrigens wenner nid so wuerdi stiiche andersch haerzig weri! (auso de hun!)
di naechschte 2 wuche hani de epa nu is tschedlagg uskuriert , vowaege ging am aabe huere frue tou mueed gsi ... aber gad am afang hani vo daem igentlich gaar nued gmerkt ...

eh ja , das weri fange mau mi erscht tag , weni deiche dasi itse scho 6 wuche hie bue u fange de erscht tag ha dokumentiert , macht mer das scho sorge , wi lang dases aech git bis di erschti wucha fertig gschruebe isch ;) aber wi gsit , guebe mer mueeh!
machets guet!

zaeaeaelaeaeae

zaelae zaeme

ha da mau probiert epis zmache ;) mau guggen wis chunt ... hie ds australie isch epa huere hiis u huere de dschungu u andersch vueu schlitzoeigler ide schu :) wuesset ja wi gaer dasi di ha , neneei so schluemm sisi nid :) machets guet